नेपालगञ्ज, १६ असार । बाँकेको जानकी गाउँपालिकाका अति विपन्न तथा अपाङ्गता भएकाहरुलाई अनुदान तथा सहयोग सामग्री उपलव्ध गराइएको छ ।
गाउँपालिकाका अध्यक्ष छब्बन खाँका अनुसार, अति विपन्न, गरिव तथा हिँडडुल गर्न असहज भएका व्यक्तिलाई अनुदान र सहयोग सामग्रीहरु वितरण गरिएको हो ।
पालिकाले खुद्रा पसलको लागि नौ जनालाई अनुदान सामग्री, दुई जना तरकारी व्यवसायीलाई पम्पसेट, दुई जनालाई सिलाईकटाई मेसिन र एक जनालाई बाख्रा वितरण गरेको छ ।
त्यस्तै १२ जना अपाङ्गता भएकालाई व्हिलचेयर, १२ जनालाई नै ट्राइसाइकल, १० जनालाई कानमा लगाएर सुन्ने मेशिन र पाँच जनालाई बैशाखी वितरण गरिएको अध्यक्ष खाँले जानकारी दिनुभयो ।
पलिकाका सामाजिक विकास समिति संयोजक रामआचल धोवीको अध्यक्षतामा भएको कार्यक्रममा उपाध्यक्ष रामप्यारी यादव, प्रमुख प्रशासकीय अधिकृत दिल बहादुर पौडेल लगायतको समेत उपस्थिति रहेको थियो ।
