नेपालगञ्ज, १६ असार । नेपालगञ्जको त्रिभुवन चोकस्थित जय बैष्णो माँ रेडिमेड फेन्सी पसलमा गएराति आगलागी भएको छ ।
पसलमा विद्युत सर्ट भएर आगलागी भएको जिल्ला प्रहरी कार्यालय बाँकेले जनाएको छ । पसलमा भएका सबै सामान जलेर नष्ट भएको छ ।
आगलागी भएको खबर पाएपछि नेपालगन्ज उपमहानगरको दमकल, सुरक्षाकर्मी र स्थानीयको सहयोगमा आगो नियन्त्रणमा लिइएको थियो ।
स्थानीय सुनिल कुमार गुप्ताको उक्त पसलमा भएको आगलागी घटनाबारे थप अनुसन्धान भइरहेको बाँके प्रहरी प्रवक्ता प्रहरी नायब उपरीक्षक नारायण डांगीले जानकारी दिनुभयो ।
