नेपालगञ्ज, १३ जेठ । नेपाल प्रेस युनियनको ३३औं स्थापना दिवसका आज नेपालगञ्जमा पत्रकारहरुका लागि निशुल्क स्वास्थ्य शिविर गरिएको छ ।
नेपालगञ्जको गणेशमानचोकस्थित लक्ष्मी सरस्वती पोलिक्निनिक एण्ड डाइग्नोष्टिक सेन्टरको सहकार्यमा प्रेस युनियन बाँकेले आयोजना गरेको स्वास्थ्य शिविरमा बाँकेका पत्रकारहरुको मृगौला जाँच गरिएको थियो । स्वास्थ्य शिविरमा बाँकेका ५५ बढी पत्रकारहरुको मृर्गौला परीक्षण गरिएको थियो ।
युनियन बाँकेका अध्यक्ष प्रियास्मृति ढकालको अध्यक्षतामा भएको शिविर शुभारम्भ समारोहमा नेपाली काँग्रेस लुम्बिनी प्रदेश सदस्य एवम् स्वास्थ्य बिभाग प्रमुख अन्जना पाण्डेले पत्रकाहरुको कार्यप्रति आप्नो उच्च सम्मान रहेको बताउँदै पत्रकारले आचारसंहितालाई ध्यान दिनुपर्नेमा जोड दिनुभयो ।
कार्यक्रममा नेपाल प्रेस युनियन लुम्बिनी प्रदेशका महासचिव नवीन गिरी, नेपाल पत्रकार महासंघ बाँके शाखा उपाध्यक्ष संगिन शर्मा, पत्रकार महासंघका पूर्व अध्यक्ष नीरज गौतम, प्रेस सेन्टर लुम्बिनी प्रदेशका उपाध्यक्ष प्रदिप वाग्लेलगायतले बोल्नुभएको थियो ।
शिविरमा युनियन लुम्बिनी प्रदेशका उपाध्यक्ष जयसिंह केसी, महासंघ लुम्बिनी प्रदेश उपाध्यक्ष शुक्रऋषि चौलागाई, युनियन लुम्बिनी प्रदेश सदस्य गौरव गिरी, युनियन कर्णाली प्रदेश सचिव रमा केसी, महासंघ लुम्बिनी प्रदेशका सचिव शिव सुनार, महासंघका पूर्व महासचिव पोषण केसी, महासंघ बाँके शाखा अध्यक्ष दामोदर भण्डारी, प्रेस चौतारी बाँकेका अध्यक्ष दुर्गा रोकाय, युनियन बाँके शाखाका निर्वतमान अध्यक्ष अर्जुन ओली लगायतको सहभागिता रहेको थियो ।
युनियनको स्थापना दिवसको अवसरमा हिजो नेपालगञ्जमा मैत्रीपूर्ण फुटसल प्रतियोगिता गरिएको थियो ।
