नेपालगञ्ज,१२ जेठ । नेपाल प्रेस युनियनको ३३औं स्थापना दिवसको अवसरमा नेपालञ्जमा आज मैत्रीपूर्ण फुटसल आयोजना गरिएको छ ।
युनियनको बाँके शाखाले आयोजना गरेको मैत्रीपूर्ण फुटसलमा प्रेस युनियन सम्वद्ध महिला पत्रकार र नेपाल प्रजातान्त्रिक व्यवसायी संघसँग आवद्ध महिला उद्यमीहरुले प्रतिस्पर्धा गरेका थिए ।
नेपालगञ्जस्थित बागेश्वरी फुटसल एण्ड स्पोटर््स हबमा भएको खेलमा महिला उद्यमी र महिला पत्रकारबीचको खेल बराबरीमा सकिएको थियो । दुबै टिमका तर्पmवाट १–१ गोल भएको थियो । महिला पत्रकार तर्फबाट साबित्री गिरी र महिला उद्यमी टीमकातर्पmवाट मिना चौधरीले गोल गर्नुभएको थियो ।
यसैगरी, प्रेस युनियन सम्वद्ध पुरुष पत्रकार र नेपाल स्वास्थ्यकर्मी संघसँग आवद्ध स्वास्थ्यकर्मीबिच अर्को मैत्रीपूर्ण फुटसलमा पत्रकारको टिमलाई ७–० गोलले हराएको थियो । स्वास्थ्यकर्मीको तर्फबाट डा. शिविन साहुले २, डा. शिखर शाही, सन्देश शाही, कपिल विष्ट, शिविर रेग्मीले १–१ गोल गर्नुभएको थियो ।
फुटसल खेलको नेपाली कांग्रेस बाँकेका सभापति नारायण गौडेलले उद्घाटन गर्नु भएको थियो । नेपाल प्रेस युनियन बाँकेका अध्यक्ष प्रियास्मृति ढकालको अध्यक्षतामा भएको उद्घाटन कार्यक्रममा उपाध्यक्ष कमल खत्रीले स्वागत मन्त्व्य राख्नु भएको थियो ।
कार्यक्रममा नेपाल पत्रकार महासंघ लुम्बिनी प्रदेश उपाध्यक्ष शुक्रऋषि चौलागाई, नेपाल प्रेस युनियन लुम्बिनी प्रदेश उपाध्यक्ष जयसिंह केसी, महासचिव नविन गिरी, सचिवालय सदस्य गौरव गिरी, नेपाल पत्रकार महासंघ बाँके उपाध्यक्ष करुणा शाह, महिला उद्यमी संघ नेपाल बाँके अध्यक्ष सावित्रा बस्नेत पोख्ररेल लगायतको सहभागिता रहेको थियो ।
अध्यक्ष ढकालका अनुसार, स्थापना दिवसका अवसरमा भोलि बिहान बाँके जिल्लामा क्रियाशिल सम्पूर्ण पत्रकारहरुका लागि निःशुल्क स्वास्थ्य परिक्षण शिविरको आयोजना गरिएको छ ।
