नेपालगञ्ज, १० जेठ । बाँके बैजनाथ गाउँपालिका वडा नंं ८ हसनापुरकी ३५ बर्षीया मनिषा रोकायको बाघको आक्रमणमा परी मृत्यु भएको छ ।
मनिषालाई बर्दियाको बाँसगढी नगरपालिकाको बठुवा जाने क्रममा बाघले आक्रमण गरेको थियो । मनिषालाई बाघले बर्दियाको बाँसगढी जनचेतना सामुदायिक वन नजिकै आक्रमण गरेको थियो । मनिषासंगै रहेका कैलाशपति थारु भने सकुशल रहेको बर्दिया प्रहरीले जनाएको छ ।
डिभिजन वन कार्यालय बर्दियाका प्रमुख प्रविण विडारीले घटनाबारे अनुसन्धान भइरहेको जानकारी दिनुभएको छ ।
