नेपालगञ्ज, २५ चैत । नेपालगञ्ज नाकाबाट गत एक बर्षको अवधिमा खाडी मुलुकको जोखिमपूर्ण यात्रामा रहेका ५०९ जना महिला तथा बालबालिकाको उद्दार गरिएको छ ।
माइती नेपालको ३२औं स्थापना दिवसका अवसरमा बाँके जिल्लामा आयोजना गरिएका कार्यक्रममा दिइएको जानकारी अनुसार, उक्त अवधिमा सबैभन्दा बढी बाँकेका ८२ जनाको उद्दार गरिएको छ ।
त्यस्तै सुर्खेतका ६० र दाङका ५३ जनालाई उद्दार गरिएको छ । उक्त अवधिमा भारतवाट १२ जनाको उद्दार गरिएको माइती नेपालका क्षेत्रीय संयोजक केशव कोइरालाले बताउनुभयो ।
विगत एक वर्ष (सन् २०२३) को अवधिमा माइती नेपालमा खोजतलासका लागि ६६२ निवेदन परेका छन । त्यसमध्ये बाँके जिल्लाकै संख्या अधिक छन् । बाँकेवाट १४२ खोजतलासको निवेदन परेको संयोजक कोइरालाले बताउनुभयो ।
संयोजक कोइरालाका अनुसार, बाँकेको नेपाल—भारत सीमा नाका प्रयोग गरि रोजगारका लागि अवैधरुपमा भारत तथा खाडी मुलुक जाने महिला तथा बालबालिकाको उद्दारको प्रयासलाई माइती नेपालले विगत भैm निरन्तरता दिदै आएको छ ।
माइती नेपालले यस वर्ष ‘हाम्रो आवाज चेलिबेटी बेचबिखनबाट मुक्त समाज’ नारासहित आप्नो ३२औं स्थापना दिवसको कार्यक्रम मनाएको छ ।
दिवसका अवसरमा मानव बेचबिखन तथा ओसारपसारबिरुद्ध नेपाल–भारत सीमा जमुनाहा नाकामा सामूहिक प्रतिबद्धता यात्रासहित पोष्टर पम्पलेट टाँस र व्यानर प्रदर्शन र कोहलपुर नगरपालिका वडा नम्बर १ कौशिलानगरमा चेतनामूलक सडक नाटक ‘भूल’ प्रदर्शन गरिएको थियो ।
