नेपालगञ्ज, १८ फागुन । बाँकेको सेन्ट जेभियर्स स्कुल र कैलालीको गुरुकुल इङलिस मिडियम स्कुलबीच शनिबार भोलि मैत्रीपूर्ण फुटबल प्रतियोगिता हुने भएको छ ।
प्रतियोगिता स्थानीय नवदुर्गा क्लबको व्यवस्थापनमा बाँकेको डुडुवा गाउँपालिकाको कम्दीस्थित नवदुर्गा मैदानमा दिउसो १ बजे हुनेछ । प्रतियोगिता बाँके जिल्ला फुटबल संघले आयोजना गरेको हो ।
संघका अध्यक्ष भोजराज शाहीका अनुसार, नेपालगञ्ज सेन्ट जेभियर्स स्कुल गत वर्ष भएको बाँके जिल्लास्तरीय मेयर कपको च्याम्प्यिन टिम हो भने कैलालीको गुरुकुल मेयर कपको पूर्व विजेता हो ।
जुनियरस्तरका खेलाडीलाई अवसर र क्षमता अभिवद्धि गर्ने उद्देश्यले दुई जिल्लाका च्याम्पियन स्कुलबिच मैत्रीपुर्ण फुटबल आयोजना गर्न लागेको अध्यक्ष शाहीले बताउनुभयो ।
