नेपालगञ्ज, १७ फागुन । नेपालगञ्जमा पहिलो किरियापुत्री भवन निर्माण हुने भएको छ । वडा नम्बर ४ स्थित शिव पार्वती मन्दिरको सामुन्ने भवन निर्माण हुन लागेको हो । करिब रु ६० लाखको लगानीमा उक्त भवन निर्मांण हुने बताइएको छ ।
निर्माण समितिका अध्यक्ष सेमराज शाक्यका अनुसार, दुई तल्ले किरियापुत्री भवनमा सर्वसाधारणले काजक्रिया गर्न पाउने छन् । किरियापुत्री भवनमा दुई परिवारले एकैसाथ किरिया गर्न मिल्ने गरी भवन बन्न लागेको हो । उक्त किरियापुत्री भवन निर्माणको नेपालगञ्जका मेयर प्रशान्त विष्टले बिहिवार आज शिलान्यास गर्नुभयो ।
विभिन्न व्यक्तित्वहरुको स्वःस्फूर्त सहयोग तथा नेपालगञ्ज उपमहानगरपालिका र वडा नं. ४ को सहयोग र समन्वय मा उक्त भवन बन्न लागेको हो ।
शिलान्यास समारोहमा वडा नं. ४ का वडा अध्यक्ष गोपाल पुन, समाजसेवी एवम् दाताहरु माधवी शाह, डा. सावित्रा कक्षपति, माधवराम बर्मा लगायतले भवन निर्माणमा सबैको सहयोग हुनुपर्नेमा जोड दिनुभयो ।
