नेपालगञ्ज, १६ फागुन । नेपालगञ्ज घरबारी टोलको एक इलेक्ट्रोनिक्स पसलमा आगलागी भएको छ । आगलागीबाट रु डेढ करोड बढीको क्षती भएको आंकलन गरिएको छ ।
न्यू माया इलेक्ट्रोनिक्स पसलमा गएराति करिब १२ बजेतिर आगलागी भएको बताइएको छ । आगलागीवाट सम्पूर्ण इलेक्ट्रोनिक्स समानहरु पूर्णरुपमा जलेर नष्ट भएको जनाइएको छ ।
जिल्ला प्रहरी कार्यालयका अनुसार दमकल र स्थानीयको सहयोगमा करिब दुई घण्टापछि आगो नियन्त्रण लिइएको थियो । विद्युत सट भएर आगलागी भएको प्रहरीको प्रारम्भिक अनुमान गरेको छ ।
