नेपालगञ्ज, ४ फागुन । नेपालगञ्जको सोफिया स्कुलले शुक्रवार बार्षिक खेलकुद तथा सांगितिक कार्यक्रम गरेको छ । विशेष आकर्षकका साथ सजाइएको स्कुल परिसरमा भएको कार्यक्रममा विभिन्न खेल विद्याका विजेतालाई पुरस्कार प्रदान गरिएको थियो ।
स्कुल संञ्चालक समितिका अध्यक्ष केबी बसेल र राष्ट्रिय खेलकुद परिषद्का सदस्य दिपेन्द्र विष्टलगायतका महानुभावहरुले विजयी विद्यार्थीहरुलाई पुरस्कार तथा प्रमाणपत्र प्रदान गर्नुभएको थियो । त्यस अवसरमा स्कुलका छात्रछात्राहरुले आकर्षक नृत्यका साथै विभिन्न सांगितिक प्रस्तुती गरेका थिए ।
अध्यक्ष बसेलका अनुसार, सोफिया स्कुल २०६१ सालमा स्थापना गरिएको हो । सोफियामा हाल ७ सय ५० बढी विद्यार्थी अध्ययनरत रहेका छन् । स्कुलमा प्लस टु सम्मको अध्यापन हुने गरेको बताइएको छ ।
शिक्षक, कर्मचारी तथा विद्यार्थी अनुशासन, बेैज्ञानिक शिक्षण विधि र विद्यार्थीमैत्री वातावरणका कारण सोफिया स्कुल अभिभावकको पहिलो रोजाईमा पर्न सफल भएको एक तथ्यांकले देखाएको छ ।
