नेपालगञ्ज, २९ माघ । क्यानडाविरुद्धको एकदिवसीय शृङ्खलामा ‘नेपालले क्लिनस्विप’ गरेको छ । आज भएको एकदिवसीय शृङ्खलाको अन्तिम खेलमा क्यानडालाई नौ विकेटले पराजित गरेपछि नेपालले शृङ्खला ३–० ले जितेको हो । आजको खेलमा प्रारम्भिक ब्याट्सम्यान अनिलकुमार साह र भीम सार्कीको शतकीय पारीले नेपालको जीत सहज बनाएको हो । यसअघिको दुई खेल पनि नेपालले जितेको थियो ।
काठमाडौं
को कीर्तिपुरस्थित त्रिवि क्रिकेट मैदानमा भएको खेलमा पहिला ब्याटिङ गरेको क्यानडाले निर्धारित ५० ओभरमा ८ विकेट गुमाउँदै २३२ रन बनाएको थियो । २३३ रनको विजयी लक्ष्यका साथ मैदानमा उत्रिएको नेपालले १ विकेटको क्षतिमा जित निकालेको थियो ।
घरेलु मैदानमा आयोजना भएको क्रिकेट शृङ्खला नेपालले पहिलो पटक क्लिनस्विप गरेको हो । यसअघि ओमानमा भएको पपुवा न्यूगिनविरुद्धको दुई खेलको शृङ्खला नेपालले २–० ले जितेको थियो । आजको खेलमा नेपालका लागि अनिल र भीमले १८९ रनको उत्कृष्ट साझेदारी गरेका थिए । अनिलले सर्वाधिक ११२ र भीमले १०१ रन बनाएका थिए ।
