नेपालगञ्ज, २३ माघ । बाँकेको डुडुवा गाउँपालिकामा शिक्षा सुधार रणनीति कार्यान्वयनमा ल्याइएको छ । गाउँपालिका शिक्षा शाखा प्रमुख सञ्जयकुमार कर्णका अनुसार, यस वर्ष शिक्षाको गुणस्तरीयता वृछिसंगै सुधार रणनीतिक योजना कार्यान्वयनमा ल्याइएको हो । ।
शिक्षा योजनामा पालिका अन्र्तगतका विद्यालयहरुको गुणस्रीयता, शिक्षकको निगरानी, विद्यार्थीको सहभागिता र अभिभावकको भुमिकालाई प्रभावकारी बनाउने उद्देश्यलाई प्राथमिकतामा राखिएको छ । सोही योजना तहत् पहिलो चरणमा ७ वटा विद्यालयमा सिसि क्यामरामार्फत निगरानी गरिएको छ ।
यो व्यवस्थाले विद्यालय समयमा खुल्ने र बन्द हुने, शिक्षक र विद्यार्थी आउने समय, कक्षा कोठामा अध्यापन, सुरक्षालगायत विषयको निगरानी सुरु गरिएको बताइएको छ ।
यसैगरी, पालिकाले विद्यालयमा नैतिक तथा संस्कारको कक्षा समेत सुरु गर्ने योजना बनाएको छ । आगामी शैक्षिक सत्रबाट संस्कारिक कक्षा सुरु गर्ने पालिका अध्यक्ष नरेन्द्रकुमार चौधरीले बताउनुभयो । ‘त्यसका लागि हामीले स्थानीय पाठ्यक्रम र समिति निमार्ण गरि कार्य प्रारम्भ गरेका छौ’—अध्यक्ष चौधरीले भन्नुभयो ।
छात्रा विद्यालय सञ्चालनको तयारी
डुडुवाले यस वर्षदेखि छात्रा विद्यालय सञ्चालन गर्न लागेको छ । डुडुवा–२ को बेतहनीमा कक्षा १ को स्वीकृती पाएकाले अब पढाई सुरु हुने बताइएको छ । विद्यालय सञ्चालनका लागि अहिले भौतिक संरचना निमार्णको कार्य भईरहेको छ । अधिकांश मधेशी तथा मुस्लिम समुदायले सगोलको विद्यालयमा बालिका नपठाउने अवस्थाका कारण छात्रा विद्यालय सञ्चालनमा ल्याउन लागिएको हो ।
गुणस्तर मापनका लागि शिक्षण सहजीकरण
अर्कोतर्पm, गाउँपलिकाले शैक्षिक गुणस्तर मापनका लागि शिक्षण सहजीकरण सुरु गरेको छ । सुरुमा माध्यमिक विद्यालयमा गएर शिक्षकले अध्ययन गराएको कक्षाको अवलोकनको कार्य भईरहेको शिक्षा शाखा प्रमुख कर्णले बताउनुभयो ।
कक्षा अवलोकन पश्चात विशेष गरि शिक्षकले विद्यार्थीहरुलाई आधारभूत सामान्य जानकारी नगराएको, शिक्षकले विषयगत ज्ञानको बारेमा अध्यापन गराए पनि बालबालिकाको सिकाईमा कमि लगायतका समस्या देखिएको बताइएको छ ।
तथ्यांक अनुसार, डुडुवामा माध्यमिक विद्यालय सात, आधारभुत विद्यालय नौ, मदरसा १८, गुरुकुल एक र ७५ बालविकास केन्द्र रहेका छन ।
