नेपालगञ्ज, १५ माघ । नेपालगञ्जमा जारी मेयर कप फुटबल प्रतियोगिता अन्तर्गत आज भएको खेलमा रामजानकी मावि, लक्ष्मी मावि र सुर्योदय मावि विजयी भएका छन् ।
रामजानकीले ब्राइटल्यान्ड स्कुललाई ११–१ को फराकिलो अन्तरले पराजित गरेको छ । रामजानकीको तर्फबाट महेश विकले ह्याट्रिक गरेका थिए । ह्याट्रिक गरेका महेशले म्यान अफ दि म्याचको पुरस्कार प्राप्त गरेका छन् ।
आजै भएको अर्को खेलमा लक्ष्मी माविले एबीसी रेसिडेन्टल स्कुललाई ३–२ ले पराजित गरेको छ । खेलमा लक्ष्मीका आर्यन केसीले १३औं र २३औं मिनेटमा र अभिनन्दन शाहीले ३६औं मिनेटमा गोल गरेका थिए । एबीसीका लागि सुजन ओलीले २ र ८ मिनेटमा गोल गरेका थिए । । उक्त खेलको म्यान अफ दि म्याच लक्ष्मीका आर्यन केसी घोषित भए ।
यस्तै, सुर्योदय माविले राम माविलाई ४–० गोल अन्तरले पराजित गरेको छ । सुर्योदयको जितमा सम्राट सुनारले ३२औं र ५४औं मिनेटमा र क्षितिज बुढाले ४ मिनेट र पुरन थापाले ४०औं मिनेटमा गोल गरेका थिए । खेलको म्यान अफ दि म्याचको पुरस्कार सुर्योदयका कप्तान विपन बुढालाई दिइएको थियो ।
भोलि पहिलो खेल जिभिएन कलेज र सेन्ट जेभियर्स दोस्रो खेल अमर मावि र आदर्श ईङलिस मिडियम स्कुल तथा तेस्रो खेल धम्बोझी मावि र आदर्श माविबीच हुनेछ ।
