नेपालगञ्ज, १४ माघ । दुई सातादेखिको निरन्तर शीतलहर तथा अत्याधिक चिसोका कारण नेपालगञ्जका विद्यालयहरु पुनः बन्द गरिएको छ ।
नेपालगञ्ज उपमहानगरपालिका शिक्षा महाशाखाले माघ १५ र १६ गते दुई दिन विद्यालय बन्द गर्ने निर्णय गरेको हो । महाशाखाले यसअघि माघ ४ गतेदेखि ८ गतेसम्म ५ दिन विद्यालयहरुमा जाडो विदा दिएको थियो । ‘चिसो फेरी अत्यधिक बढेकाले पुनः विदा दिने निर्णय गरिएको हो’—महाशाखा प्रमुख गोर्खबहादुर थापाले भन्नुभयो ।
थापाका अनुसार, नेपालगन्ज उपमहानगरपालिका क्षेत्र भित्रका सबै सामुदायिक, संस्थागत र धार्मिक विद्यालयमा जाडो विदा दिइएको छ ।
