नेपालगञ्ज, २५ पुस । लुम्बिनी प्रदेशका स्वास्थ्य मन्त्री राजु खनालले बाँकेको नरैनापुरमा निर्माणधिन अस्पतालको आज निरीक्षण गर्नुभएको छ । निरीक्षणका क्रममा नरैनापुर गाउँपालिका अध्यक्ष इस्तियाकअहमद शाहले अस्पताल निर्माण प्रगति बारे मन्त्री खनाललाई जानकारी गराउनुभएको थियो ।
त्यस अवसरमा मन्त्री खनालले मातृ तथा नवजात शिशुको स्वास्थ्य बारे प्रदेश सरकार संम्वेदनशील रहेको बताउनुभयो । ‘औषधि र स्वास्थ्य सेवा नपाएर अब कुनै पनिसुत्केरी तथा नवजात शिशुले अकालमा मृत्युवरण गर्न पर्दैन्’—मन्त्री खनालले भन्नुभयो ।
निर्माणाधिन अस्पतालका लागि प्रदेश सरकारले रु ५० लाख बजेट विनियोजन गरेको बताउदै मन्त्री खनालले नरैनापुरमा स्वास्थ्यको पहुँच बढाउन प्रदेश सरकार कटिवद्ध छ भन्नुभयो ।
अस्पताल निरीक्षण टोलीमा प्रदेश सरकारका सहरी विकास मन्त्री कृष्णा केसी नमूना, गाउँपालिकाका प्रमुख प्रमुख प्रशासकिय अधिकृत मणिराम खराल, स्वास्थ्य शाखा संयोजक नगेन्द्रकुमार शाहलगायत सरोकारवाला निकायका पदाधिकारीहरुको सहभागिता थियो ।
