नेपालगञ्ज, २३ जेठ । नेपालगञ्ज वडा नं १८ का प्राध्यापक रविन्द्र रेग्मीको आगोले जलेको अवस्थामा शव भेटिएको छ । रेग्मीको आज बिहान पूर्व—पश्चिम राजमार्गको बाँकेको ढकेरी क्षेत्रमा शव फेला परेको जिल्ला प्रहरी प्रमुख प्रहरी उपरीक्षक सन्तोषसिंह राठौरले जानकारी दिनुभयो ।
उक्त स्थानमा रेग्मीको मोटरसाइकल सडक छेउँ रहेको र उनको शरिर जलेको अबस्था भेटिएको छ । हिजो दिउसो साडे २ बजे मिटिङ्गमा जानु छ भनेर रेग्मी भे.६.प.८२२४ नं. को मोटरसाइकलमा घरवाट निस्किएको परिवारका सदस्यहरुले जनाएका छन् ।
गएराती करिब साढे १० बजेतिर मोबाइल स्विच अफ भएको रेग्मीको शव आज बिहान उक्त स्थानमा जलेको अवस्थामा भेटिएको थियो । घटनाबारे प्रहरीले अनुसन्धान सुरु गरेको जनाएको छ ।
