नेपालगञ्जमा टिप्परको ठक्करवाट एक भारतीय नागरिकको मृत्यु

नेपालगन्ज, २६ बैशाख । एक भारतीय नागरिकको आज नेपालगञ्जको पुरैनीमा टिपरको ठक्करबाट मृत्यु भएको छ । नेपालगञ्ज वडा नम्बर २२ स्थित कान्तितालको गेट अगाडी भे १ ख २२७१ नम्बरको टिपरले युपी ४० जे १ २१७ नम्बरको भारतीय मोटरसाइकललाई ठक्कर दिदा भारतीय नागरिकको मृत्यु भएको हो । मृतक भारतीय नागरिकको नाम खुल्न नसकेको प्रहरीले जनाएको छ ।
जिल्ला प्रहरी कार्यालय बाँकेका अनुसार, तिब्र गतिमा नेपालगञ्जबाट कम्दीतर्फ जाँदै गरेको रहेको टिपरले विपरित नेपालगञ्ज आउँदै गरेको मोटरसाइकललाई ठक्कर दिएको थियो । टिप्परको ठक्करवाट गम्भीर घाइते भएका मोटरसाइकल चालकको उपचारका क्रममा भेरी अस्पतालमा मृत्यु भएको प्रहरीले जानकारी दिएको छ । प्रहरीले टिपर र त्यसका चालकलाई नियन्त्रणमा लिएर अनुसन्धान शुरु गरेको छ ।