नेपालगन्ज, २४ बैशाख । कुमारी बैंक लिमिटेडले आज खाताबाहक परिवारलाई १० लाख रुपैयाँको दुर्घटना बीमा रकम भुक्तान गरेको छ । बैंकको परिवार सुरक्षा बचत खाता योजना अन्तर्गत उक्त रकम भुक्तान गरिएको
बैंकको नेपालगञ्ज शाखामा परिवार सुरक्षा बचत खाता खोलेका लोकेन्द्र भन्डारीको तीन महिना पहिले सडक दुर्घटनामा मृत्यु भएपछि बिमा बराबरको रकम मृतककी धर्मपत्नी हेमु खत्री भण्डारीलाई भुक्तान गरिएको बैंकले जनाएको छ ।
कुमारी बैंकले कुमारी परिवार सुरक्षा बचत खातामा आकर्षक बीमा सुविधा उपलब्ध गराउँदै आएको छ । कुमारी परिवार सुरक्षा बचत खाता खोल्दा खाताबाहकले कम्तीमा १० हजार रुपैया बचत राख्नुपर्ने हुन्छ । यसमा खातावाला सहित परिवारका चार जना सदस्यले २६ लाख रुपैयाँ सम्मको बीमा सुविधा प्राप्त गर्न सक्ने प्रावधान राखिएको छ ।
सो खातामा दुर्घटना मृत्यु, चिकित्सा उपचार र गम्भीर रोगहरुका लागि बीमा सुविधा प्रदान हुने गरेको बैंकले जनाएको छ । कुमारी बैंकले विगत ४ वर्ष देखि ग्राहकहरुको सुविधाकालागि परिवार सुरक्षा बचत खाता योजना मार्फत बिमा लगायत अन्य उत्कृष्ट सुविधा प्रदान गर्दै आएको दावी गर्दै आएको छ ।
