एमाले बाँके उपाध्यक्ष बिसीद्धारा लिखित प्रशिक्षण सम्बन्धि पुस्तक हस्तान्तरण

नेपालगञ्ज, १७ फागुन । नेकपा एमाले बाँकेका उपाध्यक्ष डिल्ली बिसीले लेख्नु भएको कार्यकर्ता प्रशिक्षण सम्बन्धि पुस्तक गन्तव्य मिसन ग्रासरुट अभियानका केन्द्रीय नेताहरुलाई हस्तान्तरण गरिएको छ ।
बाँके जिल्लामा एमाले पार्टी सुदृढीकरण तथा विस्तार कार्यक्रम अन्तर्गत ‘मिसन ग्रासरुट’ अभियान संचालन गरिएको छ । सोही अभियानमा सहभागि केन्द्रीय सदस्य लक्ष्मण ज्ञवाली र भीम केसीलाई पुस्तक हस्तान्तरण गरिएको हो ।
लेखक विसीले बाँकेको डुडुवा र नेपालगन्जमा भएको दुई छुट्टाछुट्टै कार्यक्रममा उक्त पुस्तक हस्तान्तरण गर्नु भएको हो ।
पुस्तकका विधानगत व्यवस्था, जनताको बहुदलीय जनवाद (जबज), लेलिनवादी संगठनात्मक सिद्धान्त, जनवर्गीय संगठन सञ्चालन निर्देशिका, नेतृत्व विकासलगायतका विषय समेटिएका छन् ।
कार्यक्रममा नेताद्धय ज्ञवाली र केसी, एमाले बाँके अध्यक्ष किस्मतकुमार कक्षपति लगायतले अभियानको उद्देश्य सफल पार्न पुस्तक सहयोगी हुने विश्वास व्यक्त गर्नुभयो ।