बाँके निर्वाचन क्षेत्र नं. ३ (क) वाट एमालेका रत्न खत्री विजयी

नेपालगञ्ज, ७ मंसिर । लुम्बिनी प्रदेशसभा सदस्यमा बाँके क्षेत्र नं. ३ (क) बाट नेपाल कम्युनिष्ट पार्टी (एमाले) का रत्न खत्री विजयी हुनुभएको छ । खत्रीले १३ हजार १५८ मत पाउनुभएको छ । उहाँका निकटतम् प्रतिद्धन्दी स्वतन्त्र उम्मेदवार दलबहादुर सुनारले ११ हजार ४६४ मत पाउनुभएको छ ।
खत्री १ हजार ६९४ मतअन्तरले विजयी हुनुभएको निर्वाचन अधिकृतको कार्यालयले जनाएको छ । यो चुनावी प्रतिस्पर्धामा एकिकृत नेकपा माओवादी नराम्रोसंग पराजित भएको छ । माओवादीका ईन्द्रप्रसाद (आईपी) खरेलले १ हजार ९९५ मत प्राप्त पाउनुभएको छ । खरेल सो निर्वाचन क्षेत्रवाट यसअघिका निर्वाचित सांसद हुनुहुन्छ ।