नेपालगञ्ज, ६ मंसिर । फिफा विश्वकप फुटबल २०२२ को आजको खेलमा उपाधि दाबेदार मानिएको अर्जेन्टिना साउदी अरयिबासंग पराजित भएको छ । समूह ’सि’मा रहेको साउदी अरेबियाले अर्जेन्टिनालाई २—१ गोलले पराजित गरेको हो ।
खेलको पहिलो हाफमा एक गोल गरेको अर्जेन्टिनालाई दोस्रो हाफपछि साउदीले दबाबमा राखेको थियो । कतारको लुसाइल स्टेडियममा भएको खेलमा अर्जेन्टिनाले गोल फर्काउन अनेकन प्रयास गरेपनि सफल हुन सकेन् । लियोनल मेस्सीले खेलको १०औं मिनेटमा पेनाल्टीबाट गोल गर्दै अर्जेन्टिनालाई १–० को आग्रता दिलाएका थिए । साउदीका साउद अब्दुलहामिदले अर्जेन्टिनाका लिन्ड्रो पारेडेसलाई पेनाल्टी क्षेत्रभित्र फउल गरेपछि भीएआरको सहायताले रेफ्रीले अर्जेन्टिनालाई पेनाल्टी दिएका थिए ।
पहिलो हाफमा १–० ले पछि परेको साउदीले दोस्रो हाफमा दुई गोल ग¥यो । खेलको पहिलो हाफमा फितलो खेल प्रदर्शन गरेको साउदीले दोस्रो हाफको सुरुवातदेखि नै अर्जेन्टिनालाई दबाबमा राखेको थियो । खेलको ४९औं मिनेटमा साउदीका सालेह अल सेहरीले गोल गर्दै खेल बराबरीमा ल्याए । फेरास अल्ब्रिकानको पासमा क्रिस्टियन रोमेरोलाई बिट गर्दै उनले गरेको प्रहार गोलमा परिणत भएको थियो । त्यसको पाँच मिनेटमै साउदीका सालेम अल दसारी गोल गर्दै २–१ गोलको आग्रता बनाए । सालेमले पेनाल्टी क्षेत्रको भित्रबाट गरेको प्रहार गोलमा परिणत भएको थियो ।
जितसँगै साउदीले तीन अङ्क जोडको छ । आजै हुने दोस्रो खेलमा डेनमार्क र ट्युनिसियाबीच प्रतिस्पर्धा हुनेछ । समूह ‘डि’मा रहेको डेनमार्क र ट्युनिसियाबीचको खेल अहिले साँझ ६ः४५ बजे सुरु हुनेछ ।
