नेपालगन्जको कण्ठिपुरस्थित चार कोठे विद्यालय भवनको मन्त्री अथकद्धारा उद्घाटन

नेपालगञ्ज, २८ भदौ । नेपालगन्ज वडा नंं. १९ कण्ठिपुरस्थित नेपाल राष्ट्रिय आधारभूत विद्यालयको नवनिर्मित चार कोठे पक्की भवनको युवा तथा खेलकुद मन्त्री महेश्वर गहतराज अथकले उद्घाटन गर्नुभएको छ ।
राष्ट्रपति शैक्षिक सुधार कार्यक्रम अन्तर्गत सो भवन निर्माण गरिएको हो । भवन उद्घाटन समारोहमा मन्त्री अथकले बाँकेका टिनका पाताको सबै विद्यालय भवनमा पक्की कोठा बनाइने प्रतिबद्दता जनाउनुभयो ।
मन्त्री अथकले अहिलेसम्म झण्डै ५ हजार बिधार्थीलाई पक्की छानामुनि ल्याउन सफल भएको दावी पनि गर्नुभयो ।
बिद्यालय व्यस्थापन समितिका अध्यक्ष मन्सूर खाँको अध्यक्षतामा भएको भवन उद्घाटन समारोहमा प्रधानाध्यापक शंकर चन्द, वडाध्यक्ष परशुराम वर्मा, विद्यालयका संस्थापक अध्यक्ष बलबहादुर वलीलगायतको उपस्थिति थियो ।