नेपालगञ्ज, २९ कात्तिक । प्रतिनिधि सभा सभा प्रदेश सभा निर्वाचन निर्वाचनमा मतदान हुनुभन्दा ४८ घण्टाअघि निर्वाचन प्रचारप्रसारका गतिविधि गर्न नपाउने निर्वाचन आयोगले जनाएको छ । आयोगले यस सम्बन्धमा म्मेदवार र कार्यकर्ताहरूलाई पटकपटक सचेत गराउदै आएको छ । अघिल्ला निर्वाचनहरूमा आयोगले मौन अवधि तोक्ने गरेपनि यसपटक मौन अवधि नरहेकाले सो अवधिको समयलाई स्थिर समयको रुपमा प्रयोगमा ल्याएको निर्वाचन आयुक्त रामप्रसाद भण्डारीले बताउनुभयो ।
उहाँले विगतमा मौन अवधि समेत भन्ने गरिएपनि त्यसको सट्टा शून्य समय भन्नु उपयुक्त हुने भएकाले ४८ घण्टाको समय भनेको स्थिर समय भनेर सम्बोधन गर्न उचित हुने बताउनुभयो । आयोगका अनुसार, मंसिर १ गते राति १२ बजेबाट निर्वाचनको प्रचारप्रसार सम्बन्धी सम्पूर्ण कामहरू निषेध हुनेछन । त्यो समयमा कुनैपनि प्रकारको प्रचारप्रसार वा यसलाई मत देऊ, यसलाई नदेऊ भनेर निर्वाचनको सन्दर्भमा स्थिर समयमा कुनै दलका नेतालाई भोट देऊ, नदेऊ भन्न पाइने छैन ।
आयुक्त भण्डारीले कसैले सो अवसधमा प्रचारप्रसार ग¥यो भने यो निर्वाचन कसुर तथा सजाय ऐनले गम्भीर प्रकृतिको कसुर मानेर कडा सजाय दिने व्यवस्था गरेको छ भन्नुभयो ।
