नेपालगञ्जको मेरो प्लानेटको स्विमिङ्ग पुलमा डुबेर बालकको मृत्यु

नेपालगञ्ज, २६ असार । नेपालगञ्जको मेरो प्लानेट पार्कको स्विमिङ्ग पुलमा डुबेर आज एक बालकको मृत्यु भएको छ । नेपालगञ्जको वडा नं. १४ मा रहेको सो प्लानेटको स्विमिङ पुलमा डुबेर नेपालगञ्ज वडा नं. ११ का १४ बर्षीय बालक अल्तमस जसगढको मृत्यु भएको जिल्ला प्रहरी कार्यालय, बाँकेका प्रवक्ता प्रहरी नायब उपरीक्षक मधुसुदन न्यौपानेले बताउनुभयो ।
बिहान करिब १० बजे भएको सो घटनाका सम्बन्धमा प्रहरीले आवश्यक अनुसन्धान प्रक्रिया शुरु गरिसकेको छ । सोधपुछका लागि प्रहरीले सो प्लानेटका तीन जना कर्मचारीलाई नियन्त्रणमा लिएको प्रवक्ता न्यौपानेले जानकारी दिनुभयो ।