बाँकेमा जबरजस्ती करणी र कर्तव्य ज्यान मुद्दाका फरार दुई प्रतिवादी पक्राउ

नेपालगञ्ज, २३ असार । बाँकेमा जवरजस्ती करणी तथा कर्तव्य ज्यान मुद्दाका फरार दुई प्रतिवादी पक्राउ परेका छन् । प्रहरीले नेपालगञ्ज उपमहानगरपालिका–६ कसाईटोल का ३३ वर्षीय अच्छनअलि अन्सारी र बाँके साविक सोनपुर गाबिस–९ का ३४ वर्षीय जोहरू भाटलाई पक्राउ गरेको छ । दाईजो कम ल्याएको निहुमा अच्छनले आफ्नै पत्नीलाई २०७५ असार ३१ गते टाउकोमा लाठी र भाला प्रहार गरी हत्या गरेको र जोहरूले २०७० भदौ ७ गते वनमा दाउरा खोज्न गएकी महिलालाई जवरजस्ती करणी गरेको आरोपमा जिल्ला अदालत बाँकेवाट सजाय पैmसला भएको थियो । थिए । अच्छनलाई २० वर्ष र जोहरुलाई ७ वर्ष कैद र ५० हजार रूपैयाँ क्षतिपूर्तिको सजाय पैmसला भएको थियो । सजाय पाएकै समयदेखि फरार रहेका दुवै प्रतिवादीलाई बाँके प्रहरीको सहयोगमा केन्द्रीय अनुसन्धान ब्यूरोले बाँकेको नेपाल–भारत सिमावर्ती क्षेत्र जमुनाहावाट पक्राउ गरेको हो । उनीहरूलाई फैसला कार्यान्वयनका लागि जिल्ला अदालत बाँकेमा पेश गरिएको बाँके प्रहरी प्रवक्ता प्रहरी नायब उपरीक्षक मधुसुदन न्यौपानले जानकारी दिनुभयो ।