स्थानीय तह कामकारवाहीको सूक्ष्म अध्ययन हुन्छ—प्रमुख चौधरी

नेपालगन्ज १४ असार । जिल्ला समन्वय समिति बाँकेका प्रमुख ज्ञानेन्द्रकुमार चौधरीले खेतीपातीको समयमा किसानहरुले मलखाद नपाउनु ठुलो समस्या भएको बताउनुभएको छ । पारस्परिक जवाफदेहिता परियोजना अन्र्तगत सूचना र मानव अधिकार अनुन्धान केन्द्र नेपालगन्जले मंगलबार आयोजना गरेको साझा सभामा बोल्दै चौधरीले सरकारले किसानहरुका लागि मल, विउको दीर्घकालिन समाधान खोज्नुपर्छ भन्नुभयो । जिल्ला समन्वय समितिले जिल्लाको समग्र विकास र सवालका लागि समन्वयको भुमिका निर्वाह गर्दै आएको बताउदै चौधरीले स्थानीय तहसंग नजिकको सम्वन्ध राखी योजना तथा कार्यको सूक्ष्म अध्ययन गरिने संरचना निर्माण गर्न लागेको जानकारी दिनुभयो । सभामा डुडुवा गाउँपालिका उपाध्यक्ष शाहिदा बानोले स्थानीयले उठाएका समुदायका समस्यालाई समाधान गर्ने प्रतिबद्धता गर्दै जनताका समस्या भएमा प्रत्यक्ष स्थानीय सरकारसमक्ष राख्न अनुरोध गर्नुभयो । सभामा डुडुवाका योजना शाखा प्रमुख ओमबहादुर राना क्षेत्री, महिला तथा बालबालिका शाखा प्रमुख लक्ष्मी केसी, कृषि शाखा प्रमुख सुशील शर्मा, स्थानीय समुदायका अगुवा भागीरथी चन्द, भवानी बोहरा, गैसस बाँकेका सदस्य सुर्यलाल यादव, हेमा थापा, उदयराज जायसवाल लगायतले स्थानीय सवाल र सरोकारवाला निकायको भुमिका बारे बोल्नुभएको थियो ।
केन्द्रका अध्यक्ष विश्वजित तिवारीको अध्यक्षतामा सम्पन्न सभाको संचालन कार्यक्रम संयोजक रविन्द्रकुमार ज्ञवालीले गर्नुभएको थियो । कार्यक्रममा विकास निमार्णका योजना, जिर्ण संरचनाको मर्मत सम्भार, शिक्षा स्वास्थ्य लगायतका सवालहरुको सम्बोधनका लागि बाँके डुडुवाबासीले आग्रह गरेका थिए ।