आजदेखि राष्ट्रिय एथलेटिक्स प्रतियोगिता शुरु

नेपालगञ्ज, १० असार । ४४ औं राष्ट्रिय एथलेटिक्स प्रतियोगिता शुक्रबारदेखि सुरु भएको छ । युवा तथा खेलकुद मन्त्री महेश्वर गहतराज (अथक) ले काठमाण्डौंस्थित दशरथ रंगशालामा प्रतियोगिताको उद्घाटन गर्नुभयो । त्यस अवसरमा मन्त्री अथकले राष्ट्रिय खेलकुद प्रतियोगिताले उत्कृष्ट खेलाडी उत्पादनमा महत्वपूर्ण भुमिका खेल्ने विश्वास ब्यक्त गर्नुभयो । नेपाल एथलेटिक्स एसोसियशनद्धारा आयोजित प्रतियोगितामा ३१ स्वर्णका लागि सात प्रदेश र तीन विभागिय टोली (आर्मी÷प्रहरी÷सशस्त्र) गरी १० टिमका २४० खेलाडीले प्रतिस्प्रर्धा गर्ने जनाइएको छ ।