नेपालगन्ज । बाँकेको नरैनापुर गाउँपालिका वडा नं.३ स्थित गेग्ली गाउँमा आज बिहान आगलागी हुँदा १५ वटा फुसको छानो भएका कच्ची घर तथा गोठ जलेका छन् ।
आज बिहान ४ :५० बजेतिर आगलागी भएको सूचना प्राप्त हुनासाथ इलाका प्रहरी कार्यालय भगवानपुरबाट प्रहरी निरीक्षक गणेशराज उप्रेतीको कमाण्डमा ३० जना र सशस्त्र प्रहरी बलको प्रहरी टोली घटनास्थलमा खटिएको थियो ।
नेपाल प्रहरी, सशस्त्र प्रहरी, स्थानीय बासिन्दा तथा दमकलको संयुक्त प्रयासमा करिब ५ घण्टापछि बिहान साढे ९ बजे आगो पूर्णरूपमा नियन्त्रणमा ल्याइएको प्रहरीले जनाएको छ । आगलागीबाट भएको क्षतिको विस्तृत विवरण संकलन भइरहेको र घटनाको कारणबारे अनुसन्धान जारी रहेको प्रहरीले जनाएको छ ।
