नीरज गौतम/ नेपालगञ्ज, ५ चैत । नेपालगञ्जको ग्रेस पब्लिक स्कुलले आज आप्mनो १६औं बार्षिकोत्सव तथा अभिभावक दिवस एक भव्य समारोहकाबीच धुमधामका साथ मनाएको छ । नेपालगञ्जको वडा नं. ४ बसपार्क नजिकै रहेको उक्त स्कुलले बार्षिकोत्सवका अवसरमा शिक्षा, खेलकुद तथा विभिन्न अतिरिक्त क्रियाकलापका विजेता छात्रछात्राहरुलाई पुरस्कार तथा प्रमाणपत्र प्रदान गरेको थियो ।
त्यस्तै, स्कुलको शैक्षिक विकासमा महत्वपूर्ण योगदान पुर्याएकोमा शिक्षक शिक्षिका तथा कमचारीहरुलाई सम्मान तथा अतिथिहरुलाई मायाको चिनो समेत प्रदान गरिएको थियो । कार्यक्रममा स्कुलका छात्रछात्राहरुले सन्देशमूलक नृत्य तथा नाटक प्रस्तुत गरेका थिए भने साइन्सका छात्रछात्राहरुले बनाएको विद्युतिय सामग्री प्रदर्शन गरिएको थियो ।
कार्यक्रमका प्रमुख अतिथि नेपालगञ्ज उपमहानगरपालिका शिक्षा महाशाखाका प्रमुख गोर्खबहादुर थापाले शैक्षिक क्षेत्रको विकासमा ग्रेस पब्लिक स्कुलको भूमिका सराहनीय रहेको छ भन्नुभयो । उहाँले भन्नभयो-‘अब संख्यात्मक मात्र नभई गुणात्मक विद्यार्थी उत्पादनमा पनि स्कुलले ध्यान पुर्याउनुपर्छ ।
त्यस अवसरमा, शिक्षा समन्वय इकाई, बाँकेका प्रमुख धन सुधान्श चौलागाई, परीक्षा बोर्ड, कोहलपुर बाँकेका प्रमुख लक्ष्मीप्रसाद अधिकारी, विद्यालयका संस्थापकद्धय लक्ष्मी जैसी, ओस्कर थापालगायतले पनि बोल्नुभएको थियो ।
स्कुलका प्रधान अध्यापक हारा रेग्मीले स्वागत मन्तव्य दिनुभएको कार्यक्रमको संचालन शिक्षक परशुराम चौधरीले गर्नुभएको थियो । सन् २०१० मा स्थापना गरिएको ग्रेस पब्लिक स्कुल अहिले प्लस-टुसम्म संचालनमा छ भने ४०० विद्यार्थी अध्ययनरत छन् ।
