नेपालगञ्ज, ३० चैत । बाँकेको राप्तीनदीमा माछा मार्ने क्रममा डुबेर एक युवतीको मृत्यु भएको छ ।
नदीमा डुबेर स्थानीय १८ वर्षीय दिक्षिका चौधरीको मृत्यु भएको वडा नम्बर ३ का वडा अध्यक्ष मीनकुमार थारुले जानकारी दिनुभयो ।
अध्यक्ष थारुका अनुसार गाउँकै अन्य महिलाहरुसँग राप्ती नदीमा माछा मार्न गएको बेला दिक्षिकाको नदीमा डुबेर मृत्यु भएको थियो । माछा मार्न गएका अन्य ११ जना महिलाहरु पनि नदीमा दिक्षिकासँगै डुबेका थिए । उनीहरुको भने सकुशल उद्दार गरिएको प्रहरीले जनाएको छ ।
स्थानीय र प्रहरीको सहयोगमा दिक्षिकाको शवलाई एक घण्टापछि नदीवाट निकालिएको थियो । प्रहरीका अनुसार, मृतक दिक्षिकाको शवलाई पोष्टमार्टमका लागि भेरी अस्पताल नेपालगञ्ज पठाइएको छ ।
