नेपालगञ्ज, २२ चैत । नेपाली कांग्रेस, बाँकेले कोहलपुर नगरपालिका वडा नं. ७ का पार्टी वडा उपसभापति एवम् सोही वडाका पूर्व वडा सदस्य ३९ बर्षीया दुर्गाबहादुर पुनमगरको हत्याको घोर भत्र्सना गरेको छ ।
नेपाली कांग्रेस, बाँकेका सभापति नारायणप्रसाद गौडेलले आप्ना पार्टीका एक होनहार कार्यकर्ताको हत्या हुनुलाई समान्यरुपमा लिन नसकिने बताउदै, हत्यामा संलग्न जो सुकै भएपनि कानून बमोजिम सजाय दिनुपर्ने माग गर्नुभएको छ ।
सभापति गौडेलले आज जारी गर्नुभएको प्रेस विज्ञप्तिमा पार्टीको विभिन्न कार्यक्रममा सहभागि भएर राति घर फर्कने क्रममा सामुहिकरुपमा भएको हत्याको घटनालाई सामान्यरुपमा लिन नसकिने भनिएको छ । ‘यो राजनीतिक प्रतिशोध तथा रंजिशपूर्ण हत्या भएको पार्टीको ठहर छ’—विज्ञप्तिमा भनिएको छ ।
विज्ञप्तिमा दिवंगत पुनमगरको आत्माको चिरशान्तिको कामना गर्दै शोक सन्तप्त परिवारजनप्रति हार्दिक समवेदन समेत व्यक्त गरिएको छ ।
पार्टीका वडा उपसभापति पुनमगरको हिजो राति साढे नौ बजे सोही वडाको रजगढवामा सामूहिकरुपमा हत्या गरिएको थियो । जिल्ला प्रहरी कार्यालयका प्रवक्ता प्रहरी नायब उपरीक्षक दिपक पातलीले हत्यामा संलग्न भएको आशंकामा चार जनालाई नियन्त्रणमा लिइएको जानकारी दिनुभयो ।
