नेपालगञ्ज, १२ माघ । टोल विकास समितिको आयोजनामा नेपालगञ्ज, वडा नं. १३ बुलबुलिया शान्तिनगरका स्थानीयले आज शनिवार आप्नो टोलको सरसफाई गरेका छन् ।
टोलको दक्षिण—उत्तरतर्पmको ३०० मिटर सडक—नालाको सरसफाई गरिएको समितिका सल्लाहकार विष्णु सुवेदीले जानकारी दिनुभयो । सरसफाई कार्यक्रममा जेष्ठ नागरिक, युवा तथा महिलाहरु गरी करिब २० जनाको सहभागिता रहेको थियो ।
टोल सरसफाईका लागि स्थानीयहरुको आर्थिक सहयोगमा सफाई सम्बन्धि सामग्री समितिमार्पmत खरीद गरिएको छ । समितिले प्रत्येक साताको शनिवार बिहान ६.३० बजेदेखि टोल क्षेत्रको स्थान छनोट गरी सरसफाई गर्ने कार्यक्रम तय गरेको छ ।
टोल विकास समितिले सरसफाईका अलावा सुरक्षाका दृष्टिकोणले सम्वेदनशील स्थानमा सीसी क्यामरा जडान, टोलका पाटीपौवा तथा सार्वजनिकस्थलको संरक्षण तथा सम्बद्र्धन र टोल क्षेत्रमा जठाभावी फोहर गर्ने प्रवृत्तिको अन्त्यका लागि सचेतीकरण अभियान सञ्चालनसमेत गरेको छ ।
सीसी क्यामरा जडान तथा सरसफाई उपकरण खरीदका लागि समितिले माग गरे बमोजिम नेपालगञ्ज उपमहानगरपालिका वडा नं. १३ को कार्यालयले रु ५० हजार बजेट बिनियोजन गरिसकेको वडा अध्यक्ष सुरेशसिंह ठाकुरले जानकारी दिनुभयो । उक्त बजेट केहि दिनभित्र समितिलाई निकासा हुने जनाइएको छ ।
