नेपालगञ्ज, १३ पुस । नेपालगञ्जका एक कवाडी उद्योगलाई नेपालगञ्ज उपमहानगरपालिकाले रु पाँच हजार जरीवानासहित कारवाही गरेको छ ।
नेपालगञ्ज उपमहानगरपालिका वडा नम्बर १० औद्योगिक क्षेत्र अगाडि रहेको शितला ट्रेडर्सले कवाडी सामान जलाएर प्रदुषण गरेपछि जरीवानासहितको कारवाही गरिएको नगर प्रहरी प्रमुख सूर्यबहादुर बेगटीले बताउनुभयो ।
नेपालगञ्ज उपमहानगरपालिकाले सडकमा जथाभावी फोहोर फाल्ने तथा प्रदुषण गर्नेविरुद्ध कडा नीति लिएको छ । फोहोरमैला ब्यवस्थापनका लागि लामो समय सचेतनात्मक अभियान चलाएको नेपालगञ्ज उपमहानगरपालिकाले पछिल्लो समय कानुन बमोजम धमाधम कारबाही गरिरहेको छ ।
यस सम्बन्धमा नगर प्रमुख प्रशान्त विष्टले फोहोरमैला ब्यवस्थापनका लागि गम्भिरतापूर्वक काम गरिरहेको भन्दै नगरबासीले यो अभियानमा सघाउनुपर्ने बताउनुभयो ।
