नेपालगञ्ज, ३० चैत । एसिसी प्रिमियर कप क्रिकेटमा नेपालले मलेसियालाई ५ विकेटले पराजित गरेको छ । नेपालले १९ दशमलव २ ओभरमा ५ विकेट गुमाएर १४४ रन बनाउदै मलेसियालाई पराजित गरेको हो ।
टस जितेर ब्याटिङ गरेको मलेसियाले दिएको १४४ रनको लक्ष्यलाई नेपालले ४ बल बाँकी छ्दै भेटाएर आप्नो खेलको पहिलो जित सुनिश्चित गरेको हो ।
नेपालको जितमा आशिफ शेखले ३२, रोहित पौडेलले २८, कुशल भुर्तेलले २४, दीपेन्द्रसिंह ऐरीले २० तथा गुल्शन झाले १९, सन्दीप जोराले १२ रन र कुशल मल्लले ७ रन बनाएका थिए ।
मलेसियाका लागि विरनदीप सिंहले सर्वाधिक ३ विकेट लिए । त्यस्तै बिरनदीपले नै सर्वाधिक ५६ रन बनाएका थिए । मलेसियाविरुद्द नेपालका दीपेन्द्र सिंहले ३ विकेटलिएका थिए ।
नेपाल रहेको समूह ए मा कतार, साउदी अरेबिया, हङकङ र मलेसिया छन् । त्यस्तै समूह बी मा ओमान, यूएई, कम्बोडिया र बहराइन छन् ।
नेपालले अर्को खेल वैशाख १ गते कतार , वैशाख ३ गते हङकङ र अम्तिम खेल वैशाख ५ गते साउदी अरेबियासँग खेल्नेछ । दुबै समूहबाट शिर्ष दुई टोली सेमिफाइनलमा प्रवेश गर्नेछन् । फाइनल विजेता राष्ट्र आगामी एसिया कपमा सिधै छनौट हुनेछ ।
