नेपालगञ्ज, १ फागुन । बाँकेको नरैनापुर गाउँपालिका प्रमुख प्रशासकिय अधिकृत मणिराम खरालको सरुवा भएको छ । नरैनापुर गाँउपालिकाले आज एक कार्यक्रमको आयोजना गरी खरालको सम्मानसहित बिदाई गरेको छ । खरालको दैलेखको डुङ्गेश्वर गाउँपालिकामा सरुवा भएको नरैनापुरका निमित्त प्रमुख प्रशासकिय अधिकृत भरत बस्नेतले जानकारी दिनुभयो । खराललाई नरैनापुरका जनप्रतिनिधि, कर्मचारी र सर्वसाधारणले सम्मान गर्दै दोसल्ला ओढाएर गाउँपालिकाको कार्यालयबाट बिदाई गरेका थिए ।
विदाई समारोहमा नरैनापुरका सूचना अधिकारी लक्ष्मीकान्त मिश्रा, वडा नं. ६ का अध्यक्ष प्रेम मौर्य, वडा नं. १ का अध्यक्ष इसाक जोलाह, वडा नं. २ का अध्यक्ष मसूदअहमद शाह, वडा नं. ४ का अध्यक्ष मनोज शर्मा, वडा नं. ५ का अध्यक्ष कृष्णचन्द्र मौर्य, शिक्षा शाखा प्रमुख कृष्ण चौधरी, स्वास्थ्य शाखा प्रमुख नगेन्द्र शाह, कृषि शाखा प्रमुख सदन भण्डारीलगायतको सहभागिता थियो ।
