नेपालगञ्ज, १६ भदौ । जिल्ला प्रहरी कार्यालय, बाँकेको राप्तीसोनारी गाउँपालिकामा नाम, नम्बर नखुलेको सवारी साधनको ठक्करवाट एक जनाको मृत्यु भएको छ । गाउँपालिकाको वडा नं. ८ ठुरे जंगलमा गएराति पैदल हिडिरहेका अन्दाजी ४० वर्षीय पुरुषको मृत्यु भएको हो ।
नाम, ठेगाना थाहा नभएका गम्भीर घाइते पुरुषलाई प्रहरीले उद्धार गरि अस्पताल पु¥याएको थियो । तर, चिकित्सकहरुले उनको ज्यान बचाउन सकेनन् । सवारी साधन र चालकको प्रहरीले व्यापक खोजीगरिरहेको प्रहरी नायब उपरीक्षक रामप्रसाद घर्तीले बताउनुभयो ।
