नेपालगञ्ज, ९ चैत । नेपालगञ्जमा आज एकाबिहानै विभिन्न तह र तप्काका सयौ मानिस एकैसाथ हिडेका छन् ।
नेपाल चिकित्सक संघ भेरी शाखाले आयोजना गरेको ‘स्वास्थ्यका लागि प्रातःकालीन हिँडाई’ (वाकाथन) मा नेपालगञ्जका मन्त्री, चिकित्सक, वकिल, प्रहरी, पत्रकार, जनप्रतिनिधि, राजनीतिक दलका नेता, कार्यकर्ता, सामाजिक अभियन्ता, अपाङ्गता भएकाहरु, योगगूरु, शिक्षक, कर्मचारीलगायतकाहरु एकैसाथ हिडेका हुन् ।
आमनागरिकमा स्वास्थ्य सचेतना प्रवाह गर्ने उद्देश्यका साथ आयोजना गरिएको वाकाथनको प्रमुख अतिथि स्वास्थ्य तथा जनसंख्या मन्त्री प्रदीप पौडेलले उद्घाटन गर्नुभएको थियो । मन्त्री पौडेलसमेत सहभागि भएको वाकाथन स्थानीय गणेशमान चोकस्थित नेपाल चिकित्सक भेरी शाखा कार्यालयको प्रांगणवाट शुरु भएको थियो । नेपालगञ्ज बजारको परिक्रमापछि वाकाथन गणेशमान चोकमा पुगेर समापन गरिएको थियो ।
वाकाथन कार्यक्रम संयोजक डा. किशोर खत्रीले ‘स्वास्थ्य सचेतना विस्तार गर्ने तथा नेपालगञ्जको पर्यटकीय स्थलहरुको प्रबद्र्धन गर्ने र आमनेपाली दाजुभाई, दिदिवहिनीहरुलाई एकताको मालामा गाँस्ने उद्देश्यले वाकाथनको आयोजना गरिएको बताउनुभयो ।
बालरोग विशेषज्ञ डा. खत्री वाकाथान कार्यक्रमलाई अभियानकै रुपमा लिएर लामो समयदेखि देश दौडाहामा हिडिरहनुभएको छ ।
