नेपालगञ्ज । मोहम्मद जयन्तीको अवसरमा नेपालगञ्ज उपमहानगरपालिका क्षेत्रभित्र सञ्चालित सम्पूर्ण सामुदायिक, संस्थागत तथा धार्मिक विद्यालयमा बुधबार बिदा हुने भएको छ ।
नेपालगञ्ज, ९ भदौ । नेपालगञ्ज उपमहानगरपालिका कार्यालयले मुस्लिम समुदायको महत्वपूर्ण पर्व मोहम्मद जयन्तीका अवसरमा नेपालगञ्ज उपमहानगरपालिका क्षेत्रका सम्पूर्ण विद्यालय बन्द रहने सूचना जारी गरेको छ । उपमहानगरपालिकाले आज जारी गरेको सूचनामा भनिएको छ—‘भोलि भदौ १० गते मोहम्मद जयन्तीको अवसरमा नेपालगञ्ज उपमहानगरपालिका मातहतका सम्पूर्ण विद्यालय बन्द रहने छ ।’
उपमहानगरपालिकाको शिक्षा, युवा तथा खेलकुद महाशाखाका बरिष्ठ शिक्षा अधिकृत लोकेन्द्र शाहीले सम्बन्धित सबै विद्यालयलाई उक्त निर्णय अनुसार बिदा कार्यान्वयन गर्न आग्रह गर्नुभएको छ ।
नेपालगञ्ज उपमहानगरपालिका क्षेत्रभित्र सञ्चालनमा रहेका सबै सामुदायिक, संस्थागत तथा धार्मिक विद्यालयलाई यो सूचना पालना गर्न निर्देशन दिइएको छ ।
