बर्दियाको पर्यटकिय गन्तव्य बढैयातालको मुहार फेरिदै

नेपालगञ्ज, १२ असार । मुलुकभरिका २०० पर्यटकिय गन्तव्यस्थलमा बर्दियाको बढैयातालको नाम पनि जोडिएको छ । गाउँपालिकाका जनप्रतिनिधिले ताल क्षेत्रलाई पर्यटकीयस्थलको रुपमा बिकास गर्ने योजना अगाडी बढाएपछि तालको मुहार पनि विस्तारै फेरिदै गएको छ । तालमा पिकनिक रिसोर्ट, तालसम्म पुग्ने बाटो, खानेपानी, बिजुली बत्ती, भ्युटावर निर्माणको योजना छ । योजना अन्तर्गत केहि काम भएका छन् भने केहि काम बजेट अभावका कारण वीचमै रोकिएका र केहि योजनाका काम शुरु नै हुन सकेका छैनन् ।
बढैयाताल बर्दियाको सबैभन्दा ठूलो तालको रुपमा रहेको छ । बाहै महिना तालमा पानी जम्मा भैरहने तालको मुख्य बिशेषता हो । विभिन्न थरीका माछा, कमलको पूmल, घाँसे मैदान, चराचुरुङ्गीको बासस्थालने ताललाई थप आर्कषक तथा रमणिय बनाएको छ । यसका साथै ताल क्षेत्रमा अरबियन सागरवाट चराहरु आउने भएकाले यसको आकर्षण अभैm बढेको हो । बढैयातालकै नामवाट गाउँपालिकाको नाम पनि बढैयाताल राखिएको अध्यक्ष हिमालय त्रिपाठीले बताउनुभयो ।
केहि वर्षअघिसम्म ताललाई माछापालनका लागि ठेक्कामा लगाउने गरिएको थियो । माछापालनले गर्दा तालको विकास पछि पर्दै गएको अवस्थालाई दृष्टिगत गरी ठेक्काप्रणाली अहिले रोकिएको छ । गाउँपालिका आपैmले बढैयाताल संरक्षण मूल समिति गठन गरेर तालको रेखदेख र संरक्षण गर्दै आएको छ । यो ताल गाउँपालिकाको वडा नं. ५ र ४ को बिचमा रहेको छ । ताल क्षेत्रमा थारु समुदायको बाक्लो वस्ती छ । थारु समुदायको पहिचानसंगै बढैयातालको इतिहास पनि जोडिएको छ । बढैयातालको बिकाससंगै तालमा थारु संग्रहालय बनाउने योजनाले समेत मूर्तरुप पाएको अध्यक्ष त्रिपाठी बताउनु हुन्छ ।
यसैगरी, बढैयाताल गाउँपालिकालाई आलुको बीउ उत्पादन र व्यवसायिक तरकारी खेतीका रुपमा समेत विस्तार गरिएको छ । यो गाउँपालिकाका करिब ८५ प्रतिशत स्थानीयहरु कृषि पेशामा आबद्ध छन् । विशेष गरी मैनापोखर, भोलागौढी र सितला बजारका स्थानीयहरु कृषि पेशामा आबद्ध छन् । तथ्यांक अनुसार, गाउँपालिकाको कूल जग्गा क्षेत्रफल मध्ये ८ हजार हेक्टरमा खेती हुदै आएको छ ।